ويلي
***********
ويـلــي يـــا ويـلــي ويـلــي يـــا ويـلــي
ويلي انا يا ويل راح القمر عن ليلي يا ليلي .. ليل السهر يا ليل
برمش عيونه جتيلي سليلي حد السيف الصقيـل
شعره اسود شليلي ويميلي عوده الدلالي يميـل
عمري وروحي وخليلي بالحيلي عقبه مالي خليل
ازقره ويلبيلي بتدليلـي حلـو النطـق الجميـل
ويـلــي يـــا ويـلــي ويـلــي يـــا ويـلــي
ويلي انا راح القمر عن ليلي يا ليلي .. ليل السهـر يـا ليـل
أجرحتني
************
أجرحتني كلمة منه سببت في قلبي أوجاعي و أبعدتني يالغلا عنه لو ترحب قلت له اوداعي.. خلني بقول ناسنك لا تحاول قدرت أوجاعي ذاك الأول اليوم هاونك في ذكراك القلب طماعي.. كنت خلي و كنت معطنك المحبة و خالص امطاعي .. كنت عندي فوق معلنك و عقبها و أمسيت بالقاعي .. ليتني لو كنت مدفنك قبل تهدم مقبض أشراعي جاني ما جاني ولا حنك خافقي بالهم و الداعي .. يا حسافه ينقطع فنك ويين عهدك ليش ما تراعي.. أجرحتني كلمة منه .. سببت في قلبي أوجاعي ..
ما هو زعل
************
ما هو زعل لكنها شرهت أحباب لا تكدر الخاطر و لأسباب غالي رقيت بك يا غايتي راسي مرقاب و أشوم بك في عاليات العوالي .. و اسخرت لك من مستحيلات الأسباب وصغيت لك بين الخلايق لحالي مرتعك في عيوني و غظت بالأهداب سكنتك في قلبي من اول و تالي .. و اقطفت لك من زهرة الحب ما طاب و اسقيك من فيض المشاعر زلالي .. من حب ما يسمع خبر رايح و دار يكتم و في شفه المحبه موالي .. لأن الخفوق اللي من الشوق من ذاق ما يلتفت للي من الود خالي لا صرت بك متحدي كل الأصعاب لا تعاود الزلات قد احتمالي
البحور السبع (( حربي و حمد ))
**********************************
البحووووور السبع
مرحبا والنفس طربانه .. .. للقصيد وشاعرٍ ياها
والكتابه بطيب عنوانه .. .. والحروف بطيب مجناها
شفت دانه في وسط دانه .. .. في بحور السبع ممشاها
هو حمد الروح ولهانه .. .. شفقةٍ في شوف روياها
مرحبا والنفس طربانه .. .. للقصيد وشاعرٍ ياها
والكتابه بطيب عنوانه .. .. والحروف بطيب مجناها
يا وطن كردووس قيفانه .. .. يت على كيفه وغناها
يشتكي مالحب والوانه .. .. والهنوف وكم عاناها
لي نظرها ضاع برهانه .. .. والمحالم حالي انساها
والعيون السود فتانه .. .. والخدود ورد محلاها
مرحبا والنفس طربانه .. .. للقصيد وشاعرٍ ياها
والكتابه بطيب عنوانه .. .. والحروف بطيب مجناها
والهوى يا قبر شيطانه .. .. كم عيونٍ مر و اعماها
صاحبك يا صاحبي عانه .. .. ماقدر يوصف مزاياها
والعجب في دوس حيانه .. .. والهلاك بجمر شفاها
والشعر لي ي**ي امتانه .. .. كنه جنحٍ ليل يغشاها
مرحبا والنفس طربانه .. .. للقصيد وشاعرٍ ياها
والكتابه بطيب عنوانه .. .. والحروف بطيب مجناها
ان بغيت العود رويانه .. .. وان بغيت الحسن وياها
وان بغيت العين سكرانه .. .. شوف ناصر من ضحاياها
والشعر لي ي**ي امتانه .. .. كنه جنحٍ ليل يغشاها
لان رب البيت سبحانه .. .. عـ بنات الحور بداها
مرحبا والنفس طربانه .. .. للقصيد وشاعرٍ ياها
والكتابه بطيب عنوانه .. .. والحروف بطيب مجناها
الشعر والليل خلانه .. .. والنفس جاتك من اقصاها
والختامه اقول سبحانه .. .. ربنا عالحــور بــداها
شفت دانه في وسط دانه .. .. في بحور السبع ممشاها
هو حمد الروح ولهانه .. .. شفقةٍ في شوف روياها
ليش تتركني
*************
ليش تتركني في غياهيب الظلام
يا حبيبي لا نجوم ولا قمر
ساهر بليلن به العالم نيام
قلبي اللي تحت ضلعي من**ر
آخذ النسمة و أطرشها سلام
من فؤادي لك مغرقها عطر
طيبها أبلغ تعابير الكلام
عن سمع عذالنا فيها ستر
وأرسم أحلامي على هام الغمام
كل ما لامس شعاعك ينهمر
اشتياقي و احتراقي والهيام
علمني لجل عينك الصبر
ليت تلمس بي معاناة الغرام
كيف حالات الحبيب المنتظر
بالنصح ويصار طيفك و المنام
مرة يجرحني و مرة يعتذر
انت غاياتي وقصدي و المرام
وانت دنياي و روحي و العمر
ناطر لأطربلك أسراب الحمام
تهدي الفرحة الكواكب و القمر
آه يا من ون
***************
آه يا من ون والجفن محروم=من صوابه ما يغضي بالمنام
جنه في وسط الحشا نار السهوم=تكوي الاضلاع وتبث العظام
ما شكت نفسي من الدين الركوم=لا ولا تشكي من العله اسقام
شكوتي من ليعة الحب الظلوم=لي دعا روحي من الفرقا حطام
شط قلبي يا ملاريم الخشوم=يوم شد الهين وانوى باعتزام
قلت قومك قال عنكم بانشوم=قلت وين الحل من عقب المشام
قال في دار بها بس الصروم=في محاضير ليوا بالتمام
ديرتي وهناك قصدي واللزوم=وان نويت اتزورنا حد المشام
وان هوت نفسك هوانا لك ندوم=فالتزامك يا فتى لو بعد عام
وان هوالك غيرنا فوق الخشوم=لا تقاطعنا من اردود السلام
قلت عفوك لاتزيد القلب لوم=ليعته تكفيه عن كثر الملام
منك تكفي ليعة الفرقا ليوم=ما تهون من الحشا سبعين عام
وان سفت جعد معشكل وامحشوم=فوق متنيها كما ليل الظلام
واشرت بالجف اللي فيه الختوم=لي مخضض بالزنججل باحتشام
والعفو يا رب لا تكتب اثوم=جان عبدك زل واخطا بالكلام
يعل داره من هطل وبل الغيوم=يرضف الوسمي عليها كل عام
لي لذوذه من فلاها ما تشوم=والمدوي ما يراعي الهن هام
يقطف عشب ربا فوق الحسوم=من زهور ومن طحاوين وخزام
أجيك
*******
اجيك و احلف منك ما اجيك
و اروح فعلا منك زعلان
و ارد لك نادم و اراضيك
و اقول انا مب انته غلطان
......................
اشوف غلطاتك و ابريك
في ناظري سيئاتك احسان
كني عصاك الي ماتعصيك
كلي خضوع و طوع و ادعان
........................
لوبعتني شاريك شاريك
شاريك و انسى كلمة اثمان
في خلوتي قلبي يناديك
انت عليه حيل ولهان
.......................
يالي على روحي ابديك
غلاك عندي ماله اوزان
اموت و ان طو ل تجافيك
و احيا اذاشفتك بالاعيان
بهدي سلامي
****************
بهدي سلامي في محله
فنجال اشقر خص يمناك
ياسعيد ويش حدك من الله
تطلب رحم من غير مولاك
....................
هذا العشق سنة من الله
اطلب كريم يحل بلواك
يا سعيد امرك ضاع حله
مجنون ليلى صار شرواك
.........................
ياسعيد قلبك لاتذله
و الي يذله عسااه يفداك
من عرقلوه بالحبل خله
لاتنحني إلا لمولاك
.......................
ياسعيد قدرك في محله
و الي رجيته مابيسواك
كانه تكبر منك خله
و الطين كان بلوه ينهاك
ابتسم
******
ابتسم
ابتسم خل الزعل عنك ابتسام تبتسم روحي بسمتك لشفتها منك
هي دوايه وبلسم جروحي ....... ذبت في حبك وفي فنك هايمن بالحيل مذبوحي
والله اني صدق هاونه مستحيل انساك واروحي........ لو طلبت عيوني اينك يامنايه وغايت
اطموحي ليعبايه دوم يغرنك في خيالي طيفك ايلوح .... .... كم من الاحساس عاطنك من فواد
لجلك ايبوحي وبتسم خل الزعل ياحبيبي وانته مربوحي
دانة الطواش
**************
يا دانة الطواش لي طوش ..
دانة غزرمابين الاقماش ..
فيك الحسن والزين منقوش..
يابو خدود مشعة افلاش...
معدن ذهب ماهوه ب مغشوش..
لي ماهواه من مثلك بلاش..
نورك ينير البيت والحوش..
وشوفك شفا للعاشق انعاش ...
لي شوف حسنك صار مربوش...
يظمي ورود احياهمه اعطاش..
طرفن خديري وزاد به بشوش..
وكان الكواكب تحتك فراش...
ماخذ من الغزلان لوحوش ..
جدد يدر من ريحة ينحاش...
الإثنين مارس 10, 2008 4:41 pm
